مكان في البيت مخصص للعمل

كثير منا اليوم متجه للعمل الحر.. ودايما ما العمل الحر يبتدي من البيت… و الشغل من البيت ممكن يكون فيه تحديات من أهمها كثرت الأشياء اللي ممكن تشغلنا… برنامج تلفزيوني، طفل يبكي، ترتيب لكبت كنتي مأجلته و ماحلى الوقت الا ترتبين اللحين…المهم ان اذا قررتواان تشتغلون من البيت ضروري تزهبون مكان في البيت مخصص للعمل، معزول خاص و هادئ… مولازم يكون مساحته كبيره ولا غرفه معزولة… لكن اذا كان جزيء من مساحه حاولوا ان يكون اتجاه المكتب عكس اتجاه اي عنصر ممكن يشغلكم عشان أكون في تركيز للشغل و النظر موجه اتجاه العمل فقط.  دراسته اثبتت ان المكاتب المنزليه اللي تكون مواجه حائط تكون الانتاجيه فيه عاليه…

ممكن بعد نحط المكتب في أماكن ضايعه و مساحات غير مستغله مثل تحت السلالم ، كثير ما يسألوني المتابعين و عملائي بالاستشارات بكيفه استغلال هذه المساحه الضائعه. طبعا يعتمد موقعها… مو أحط مكتب تحت سلم يطل على غرفه الاستقبال او مدخل البيت الرئيسي.

و طبعا بطرق سهله ولكن جدا ذكيه ممكن تخفون هذه المكاتب باستخدام أبواب تجميلية تزيد المساحات جمال و تخفي اي منظر غير مرتب للمكتب في حال عدم استخدامه….

من المساحات اللي بعد ممكن نحط فيها مكتب هي الممرات.. أكيد بالممرات اقصد الممرات اللي تكون عريضه.. و عرضها ما يقل عن مترين…لانه المكتب و كرسي المكتب راح يأخذ على الأقل متر… اهم مواصفات لهذا المكتب بالذات ان مايكرو ضخم او عميق… يمكن نحتاج نسوي عن نجار عشان يناسب مساحتها،، أكيد في بالكم اللحين شنت اقل عمل للمكتب؟ يعتمد استخدامكم للمكتب شنو؟ اذا بس محتاجه لابتوب بس ف أنا اسالكم شنو مقاسه؟ المساله بسيطه جدا….

اللي متابعتي على سناب من زمان يمكن لحق علي موضوع المكاتب المنزليه اللي تكلمت عن اهم عناصرها.

١- مهم يكون في ضوء طبيعي قريب من المكتب و يفضّل ان يكون في مطل من المكتب

٢- ادخال عنصر الطبيعه للمساحه مثل الخشب الطبيعي او الأزهار و النباتات

٣- الترتيب

مأكو احلي من مكتب مرتب.. و كل شيء له مكانه… بذمتكم منو ماوده يشتغل اذا هذه منظر المكتب عنده في البيت؟؟؟