عشان يكون بيتكم مختلف

٢ نوفمبر٢٠١٧

في أي مشروع اصممه خاصه اذا كان المشروع لبيت سكني… أحاول ان يكون البيت و ديكوراته خالصه بس ٧٠-٨٠٪ عشان اترك مساحه لصاحبه البيت ان تحط فيها لمساتها…. انا فبل ما اسكن بيتي ب ٤ اسنين و انا بلشت اجهزه… حتى قبل ما ادري شنو شكله و لا وين راح يكون… اكثر ما يميز أي بيت ادخله هي الاكسسوارات اللي فيه… و فيه بيتي كل اكسسوار له قصه و عمر مختلف.. عندي قطع في بيتي انا شاريتهم حتى من قبل ما اتزوج…

لوحاتي من مدن مختلفه… هذه سنيه اللي الكل يعرفها… عندي من سنه ٢٠٠٨ يمكن اذا ما خانتني الذاكره… انتقلت معاي من داري في بيت ابوي ليه بيتي. عندي لوحات من مصر، من بالي، من بريطانيا و من أمريكا وغيرها من الدول.. كل وحده تحمل معاها ذكريات جميله للرحله و هذا يضيف لكل وحدة جمال و معني… وايد مهم ان كل زاويه في بيتك تحكي قصه… كم هي جامده تلك البيوت اللي كل شي ينشري باسبوع و من محل واحد.. جميله نعم مثل صفحه بمجله و لكن بلا روح…

اللوحات مو شرط غاليه… هذه اللوحات سلسله من ٣ اشتريتهم و انا اتمشى علي شاطيء من شواطيء كاليفورنيا ٣ ب ٣٠ دولار… لا و عطاني خصم الرسام اخذتهم ب٢٥ دولار لاني شريت ٣… جميلات و كل ما اشاوفهم احس بنسمات البحر و شعور السعاده اللي كنت فيها و انا في ذيك اللحظه من ٣ سنين.. كانها امس..

و هذه اللوحات كانت من معرض في احد شوارع لندن.. تولعت فيهم من اول نظره و تخيلت اني راح اعلقهم بغرفه اول مولود لي… لكن اليوم علقتهم بأفضل بقعه بالبيت عندي، صالتي اليوميه…كنت في اول اشهر زواجي و كانوا اول لوحات نقتنيهم لنا كزوجين.

اللي يتابعني يعرف شلون احب اسمي كلشي عندي بالبيت من لوحات لنباتات او حتى اكسسوارات… هذه اللوحتين اسمهم طيبه و سليمان… شمعنا؟؟ ان ااقوكم ليش… انا ظل اسمي طيبه لمده أسبوع قبل ما يقررون ان يغيرونه لفرح… و سليمان اسم غالي علي لانه ابوي ما يناديني الا بام سليمان (اسم جدي)… يمكن ما قدرت اسمي اول ولد لي سليمان لكن حق ابوي انا دايما راح أكون ام سليمان…

بالمختصر… ابنوا علاقات مع بيوتكم ، مع كل قطعه فيه…. حبوهم .