طاولات جانبية

جمال اي مساحه لايمكن انه يبرز الا اذا كانت الاكسسوارات صح.. و من اجمل القطع اللي ممكن تنقتل بسبب توزيع خاطيئ هي الطاولات الوسطيه عن منطقه الجلوس.. او في معنى ثاني الكوفي تيبل. حجمها، ارتفاعها و ستايلها لايمكن ان انحدده الا اذا عرفنا شنو الشكل العام للصله. مثلا من المستحب ان هذه الطاوله ارتفاعها ما يزيد عن ارتفاع مقعد الصوفاز بس نفس الوقت ماتكون وايد واطيه لانه لراح تكون متعبه للي جالس على الصوفا. كلشي عليها راح يكون بعيد عنه ، مثلا اذا بيده قلاص جاي راح يضطر ينحني و يمد ايده عشان يوصل لسطح الطاوله… احنا محتاجين اثاثنا يريحنا ما يزعجنا.

شي ثاني مهم نفكر فيه هو ان هذه طاوله ممكن يكون حجمها كبير او اكثر من قطعه مع بعض بحجم صغير..المهم ان المساحه الاجماليه اللي تغطيها الطاوله او مجموعة الطاولات تكون كبيره ( ¾ عرض الصوفا ). حجم هذه الطاوله ان كان صغير فسوف يوثر على الشكل العام للجلسه حيث ان العين راح تحس ان المنطقه امام الصوفا خاليه.

طاوله كبيره ولا مجموعه طاولات صغيره؟ اللي يخدد هذا القرار هو الاستخدام؟ هل عندي مساحع كافيه ان اعيد ترتيا الطاولات الضغيره و استخدمهم باماكن اخرى عن الحاجه؟ الطاولات هذه راح تخلينا نستغني عن طاولات الشاي المتنقله لانه هي راح تنتقل لجانب الضيف عند اللزوم.. لكن اجمل مافي الطاولات الكبيره ان عندي مجال ازين و احط بعض الكسسوارات مثل الاواني و المجلات و الكتب اللي اتضيف جمال لهذه المساحهز فاذا ابي الجمال و العمليه فنصيختي كالاتي. دوروا طاوله رتيسيه وسيعه للتزين و ضيفوا لها عدد من الطاولات الخفيفه الصغيره اللي ممكن تتمتشه معاها من حسث الحجم و اللون و وزعوهم حواليها.