السوشيل ميديا

السوشيل ميديا…جعلتها صديقتي

لما دخلت لعالم السوشيل ميديا او مواقع التواصل الاجتماعي…. دخلتها كوسيله تسويق لاعمالي.. أولا بالفيس بوك بعدين بالانستقرام… لكن سناب جات كان موضوع ثاني تماما…

لما خضت تجربه السناب جات… ماكان همي اني اسوق اعمالي و شنو سويت… كان همي أدرِس.. آعلِم.. آثَقِف .. و أوضِح..

السوشل ميديا قربتني من مجتمعات بعيده.. الكل يذم بالتكنلوجيا و يذم بالسوشل ميديا لكن انا اشوفها جسر عظيم اذا بنينه صح… لما قررت اني اخوض هذه التجربه كنت علي يقين اني لازم أكون حذره… لانه هو سلاح ذو حدين… شلون اخليه يوقف عند الحدود الصحيحه…. شلون اخلي الناس تعرف فرح لكن تظل في خصوصويه لفرح… ما يصير ننجرف باتجاه الشهره للشهره فقط.. لقيت كل ما قدمت المعلومه بحب لقيت من المتابعين حب.. و بديت احس اني لازم كل يوم اعطي معلومه…. صار فرض علي… قمت اعطي من غير شغف بس لمجرد استمرار سرد المعلومات يوميا… صارت المعلومات غير قيمه و لقيت تفاعل المتابعين يقل… كان في إحساس ان المعلومات قامت تقدم كدرس… وقفت و انسحبت لفتره عشان الاقي الشغف مره ثانيه… قررت راح اكلم المتابعين لما أكون سعيده…. راح اعطيهم المعلومه لما مزاجي يكون حلو… ولقيت ان الحب بتقديم المعلومه ينحس…..رغم ان ممكن المعلومه جامده و فيها تفاصيل دقيقه لكن مقدمه بابتسامه متابعيني ما يشوفونها… يسمعونها.

أي شيء مقدم من القلب… ناجح